De swatte Gäng in’n Hoben

De Donkey kummt – spei in de Han’n!
Rop ob de Schuut de Donkeymann,
De Piep ut Muul, nu geit dat ran.
Lang rut de Schüffeln, Korf un Pan.
Nu ward de Kohlen hievt!

Griep to, man to, de Winsch, de fiert
Worscho, kiek ut, dat nix passiert!
De enge Schat na Kohlen giert,
Noch gau enn ut den Teng riskiert
Und denn ward Kohlen hievt.

De Schüffel knirscht – hell schien de Sünn,
Dick liegt de Sott op Han’n un Plünn.
Hoch mit de Korf – un Stünn üm Stünn
Rollt swatte Brocken doll na ün’n.
So ward de Kohlen hievt.

De letzten Korf na boben mell’t;
De „Erste“ kiekt in’t Book un tellt:
„Nu wasch di af un hol dien Geld,
Warst morgen op Klock söss bestellt!“
Dann fiert de swatte Gang

Text: Hans Steffen (,Hans ut Hamm‘)
Musik: Andreas Werling